منتديات بكاء القمر
بسم الله الرحمن الرحيم

عزيزي الزائر / عزيزتي الزائرة

يرجي التكرم بتسجبل الدخول اذا كنت عضو معنا

او التسجيل ان لم تكن عضو وترغب في الانضمام الي اسرة المنتدي

سنتشرف بتسجيلك

شكرا

ادارة المنتدي


في حياة كل واحد فينا سر أو ماضي والشخص اللي بنحبه دلوقتي ميعرفهوش ياتري نقوله ع الماضي ولا ننساه؟؟

استعرض الموضوع السابق استعرض الموضوع التالي اذهب الى الأسفل

N2 في حياة كل واحد فينا سر أو ماضي والشخص اللي بنحبه دلوقتي ميعرفهوش ياتري نقوله ع الماضي ولا ننساه؟؟

مُساهمة من طرف بكاء القمر في الأحد 02 أغسطس 2009, 6:47 pm

في حياة كل واحد فينا سر
ويمكن يكون فيه اسرار
وجايز أوي الأسرار دي نبقا مخبينها حتي عن أقرب الناس إلينا
حتي عن اللي بنحبه
وبالذات قدام اللي بنحبه
يمكن عشان خايفين ان لو عرف السر دة ممكن يزعل
أو يضايق
او مشاعره تتغير ناحيتنا
أو صورته تتهز قدامنا
ف بنضطر نسكت أو نداري أو نخبي
والسر دة جايز يكون ماضي ميكونش حاضر
مجرد ذكري بس للأسف جايز أوي تكون ذكري مش حلوة
علاقة قديمة ..!
حب فاشل...!
تصرفات طايشة ..!
كدبة مثلا وكدبتها علي حبيبك أول ماعرفته ومقدرتش تعترف بيها لحد دلوقت
وهو لسه مصدقها علي انها حقيقة.
والسر دة تعبك اوي ومش عارف ياتري ينفع تقوله ولا متقولوش
وياتري لو مقولتش وسكت دة هيبقا اسمه انك بتخبي عليه ؟!
وياتري لو خبيت دة هيبقا حقك انك تخبي ؟

أي علاقة حب مرت بيها أي بنت قبل ماتعرف
او ترتبط بانسان ممكن أوي يكون جوزها بعد شهور أو أيام
ممكن تكون محسساها أنها بتعمل ذنب فظيع
انها مخبيا ع الانسان اللي مفروض هيكون مستأمنها علي حياته واسمه ..

مخبيا عليه جزء مهم أوي من ماضيها دة
وهي متبقاش عارفه ياتري دة صح ولأ غلط ؟
وأي ولد مر بتجارب كتيرة أوي قبل الجواز بسبب كونه ولد
وبسبب انه كان عايش براحته ممكن يفكر ألف مرة
لو الانسانه اللي هيتجوزها بعد مايكون تاب
واستقر علي كل اللي عمله ف حياته قبل مايعرفها
انا بسأل دلوقتي


..
ياتري الماضي دة من حق مين ؟
من حق الطرف التاني أنه يعرف ولا مش من حقه ؟

من حقه يسأل ولا زي مابيقول ربنا " لا تسألوا عن أشياء أن تبدا لكم تسؤكم"

ياتري لو حبيبي شااكك انه كان ليا علاقة سابقه ياتري أقوله ولا أنكر ؟

ياتري صح انه يتقال أصلا الماضي دة حتي ولو كان ماضي ولا ملوش لاازمة ؟

اسئلة كتيرة أوي هنجاوب عليها ونكلم عنها ف الحلقة الجاية
انا النهاردة بفتح الحوار لكلام مابنا عشان كلنا نكلم مش بس نسمع
ومش شرط اننا نسمع زي ماتعودتوا معايا أنا أكلم وانتوا تعلقوا

انا النهاردة عامل الحلقة دي ليكم انتم..

انتم اللي هتكلموا ونا اللي هرد علي كلامكوا
انتوا اللي هتخلوا للحلقة دي طعم بكلام ومناقشه

جايز أوي تفيد ناس كتيرة نفسها تسمع الكلام ف الموضوع دة

لأنها مش عارفه تعمل ايه ؟
ياريت كل من سمع حلقة دي يقول رأييو ويكلم
أهو دقيقة من وقت ف كلام مفيد مش هتخسرك حاجة
أرجع واقول
في حياة كل واحد فينا سر
ويمكن يكون فيه اسرار
ياتري نفضل مخبينها

ولا نقولها للي بنحبه عشان منجرحش نفسنا بأيديناا !!!

_________________



مصر وفلسطين الاتنين بدمى
avatar
بكاء القمر
الادارة
الادارة

انثى
تاريخ التسجيل : 20/07/2008
رقم العضوية : 1
عدد الرسائل : 475
العمر : 29

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

N2 رد: في حياة كل واحد فينا سر أو ماضي والشخص اللي بنحبه دلوقتي ميعرفهوش ياتري نقوله ع الماضي ولا ننساه؟؟

مُساهمة من طرف ميما في الثلاثاء 15 يونيو 2010, 3:51 pm

انا سعيدة اوى انى اول واحدة ترد فى الموضوع الرائع دة
انا من وجهة نظرى المتواضعة هو غلط اوى ان الواحد يفكر حتى انة يقول حاجة زى كدة عن ماضية هو اصلا اية الفايدة من دة بالعكس والله دة كل اللى حيصل ان الحياة هتدمر والعلاقة الحلوة هتبقى صعبة حتى لو الطرف التانى عداها وقال فى وشك عادى ياحبيبى اهم حاجة الحاضر وانا اللى فى حياتك دلوقتى ودة احتمال ضعيف هيكون بردو من جواه عكس اللى بيقول وهو كلام وخلاص
لية نفتح على نفسنا باب شك وقلق وصورة مهزوزة قدام اللى بنحبهم وبيحبونا
يجماعا دة ماضى وباب وتقفل لية مصممين نفتحة تانى بدون فايدة فعلا مالهاش اى فايدة
avatar
ميما
عضو جديد
عضو جديد

انثى
تاريخ التسجيل : 09/06/2010
رقم العضوية : 57
عدد الرسائل : 2
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

N2 رد: في حياة كل واحد فينا سر أو ماضي والشخص اللي بنحبه دلوقتي ميعرفهوش ياتري نقوله ع الماضي ولا ننساه؟؟

مُساهمة من طرف بكاء القمر في الأربعاء 16 يونيو 2010, 5:47 pm


اولا نوووووووووورتى المنتدى كله يا ميما

تانيا لازم الطرف اللى هنرتبط بيه يكون عارف كل حاجة عن شريك حياته
واحنا كمان ميكنش اسمنا خدعناه هنكون صفحة مفتوحة قدامه
لانه لو عرف بالصدفة من برا هيبقى شكلنا بايخ جدا

_________________



مصر وفلسطين الاتنين بدمى
avatar
بكاء القمر
الادارة
الادارة

انثى
تاريخ التسجيل : 20/07/2008
رقم العضوية : 1
عدد الرسائل : 475
العمر : 29

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى