منتديات بكاء القمر
بسم الله الرحمن الرحيم

عزيزي الزائر / عزيزتي الزائرة

يرجي التكرم بتسجبل الدخول اذا كنت عضو معنا

او التسجيل ان لم تكن عضو وترغب في الانضمام الي اسرة المنتدي

سنتشرف بتسجيلك

شكرا

ادارة المنتدي


ازاى حب بيجى من مسج تبعتها علي قناة زووم,بتدور فيه علي حب او تدوري فيه علي حد مناسب!!.. مع حب اسفل الشاشة

استعرض الموضوع السابق استعرض الموضوع التالي اذهب الى الأسفل

NEW ازاى حب بيجى من مسج تبعتها علي قناة زووم,بتدور فيه علي حب او تدوري فيه علي حد مناسب!!.. مع حب اسفل الشاشة

مُساهمة من طرف بكاء القمر في الأحد 02 أغسطس 2009, 6:14 pm






انا بنوتة لذيذة وامورة ..عاوزة ولد شيك وستايل وسن مناسب
شاب محترم 19 سنة عاوز بنوتة من كايرو ع الخاص
محجبة ومتدينة وحيدة ابحث عن حب جاد جدا
ابحث عن بنت جادة ف الارتباط
... .... ... ..
دة مش اعلان عن جواز ؟ ولا دي عناوين جرايد
لا حاجات بقينا نشوفها كلنا عيني عينك ف قنوات التليفزيون والفضائيات
عارفين الشريط اللي اسفل شاشة أي قناة مزيكا أو زووم
لو ركزنا ف دة أوي وف الكلام اللي بيبقا مكتوب

ومبعوت من ولاد وبنات وللأسف رجالة وستات
هنلاقي أن فيه علاقات حب من نوع جديد خالص
وللأسف بيقولوا عليها انها حب
ونها ممكن تطلع منها علاقة حب
وللأسف الناس بتضحك علي نفسها

وتعيش قصة حب وكأنها أجمل قصة حب
ولكن مع وقت قصير بيعدي علي الولد

والبنت اللي بيتعرفوا علي بعض عن طريق الاسلوب دة
لا هو بيكمل ولا هي بتستمر
والنتيجة ..ان الحب هو السبب ون مفيش حاجة اسمها حب
ون كله كدب وخداع وأي كلام
وكل الولاد نصابين وكل البنات كدابة ومش كويسة
لااا
انتوا الغلطانين للأسف
قبل ماتضحكوا علي اللي قدامكوا
ضحكتوا علي نفسكوا ف الأول وأوهمتوا نفسكوا

ان دة حب وهو مش حب
دة لعب تسلية كدب أي حاجة ممكن يتقال عليها إلا انها تكون حب
معلش انا دخلت ف موضوع علي طول لأن الموضوع بجد مستفزني أوي
انا عاوزة أحكلكوا علي تجربة شخصية

حصلت مع واحد كان صحبي
وجرب هو موضوع الحب عن طريق شريط المسجات اسفل قناة اغاني ع الدش
وقالي عن تجربته ف موضوع دة
قال ان مكانش مصدق ان ممكن يتعرف علي بنت بسرعه دي وبسهوله دي دلوقتي
اسرع واسهل كمان من موضوع الشات والنت

ويمكن اسرع من اني اتعرف علي واحدة ف شارع
او ف سينما او ف جنينة حتي
قولتله ازاي وانا مستغربة اوي ؟


قالي – عن طريق رسايل دي ..رسالة بــ 50 قرش

ممكن اعرف بيها بنت ونعيش سوا يومين حلوين ؟
استغربت اكتر ف قولتله ازاي علمني يا معلم منك نستفيد ؟

انا كان عندي خلفية عن موضوع كويسة اوي بس
كنت بحاول اخليه يكلم اكتر عشان اعرف ايه حكايته مع بنات
للأسف موجودين اليومين دول وكنت بشوفهم من خلال شريط
فيه كلام بالألون بأسم بنات وولاد علي قنوات كتيرة
والواحد قاعد بيشوف فلم او مسلسل او حتي بيسمع اغاني
كنت بشوف العجب وبسمع حاجات متتسمعش

المهم قالي – انا سجلت اسمي علي قناة مزيكا وعملت نيك نيم
قلتله هه ؟ اكيد كتبت اسمك وسنك وقولت ان عاوز امورة حلوة ودلوعة

وبعتها ع قناة عشان تظهر والكل يشوفها ويرد عليك صح ؟

قالي لا يا حلو دة اللي بيعملوا كدة دول الناس السذج الجهله اللي ميعرفوش حاجة
قولتله أمال الناس الفكيكة الناصحة اللي زي حلات حضرتك بيعملوا ايه ؟؟؟؟

قالي – بشوف المسجات اللي بعتاها البنات وبختار نيك نيم اسمه حلو لبنت

وابعتلها علي موبايلها علي طووول
قولتله ودة ينفع ؟؟؟
قالي أه طبعا ينفع ؟
انا بشوف نيك نيم وابعتله مباشرة علي موبايله

مليش انا ف حوارات تظهر ع شاشة دي محدش هيبص عليا فكك
قولتله طب لما بتبعتلها ممكن متردش عليك

ولو حتي رديت هتفضلوا تكلموا ع شات كدة

وتضيع فلوسك وفلوسها ع فاضي وبرضو مش هتوصل لحاجة ؟
قالي لأأ من مببعتش اكتر من رسالة وهي لو كدة هتكلمني علي موبايلي ؟
استغربت اكتر وقولت – كدة استني بقا افهم ؟ لو كدة يعني ايه ؟

وهتكلمك علي موبايلك ازاي بقا ؟؟؟

قالي لو بنت كدة يعني ( بين قوسين بنت عاوزة تتسلي )

هترد وهتكلمني علي موبايلي لأني هبعتلها رقمي وهي هتتصل علي طول
لأنها هتحس اني واد مخلص ومش بتاع حب وحوارات ورغي كتير؟؟

قولتله آآآآآآآآآآآآه بس ازاي بقا تبعتلها موبايلك او رقمك ..

هي شركة بتاعة القناة بتوافق علي حاجة زي كدة ؟

قالي لأ مهي بتمسح أي ارقام ؟ ياحلو بس لما تبعت رقمك حروووف
مش هتشوفه لانهم مش بيقروا المسجات أصلاا فهمت ؟؟؟


قولتله آآآآآآآآآآآه تبعت رقمك حروف يعني زيرو عشرة وكدة يعني ؟
قالي أيووووووووون عليك نور وبس ؟

قولتله وبعدين
قالي عملت كدة 3 مرات وكلمني 3 بنات ف يوم واحد
بصراحة يا جماعة بلمت وسكت ومعرفتش أقوله ايه !!!!!!!!!
دي مصيبة

ان 3 مرات وف التلاتة 3 بنات يعني كلهم موافقين وعاوزين
المهم قولتله هه وبعدين
كلمتهم بس طبعا علي فترات كنسلت واحدة
لأنها عاوزة حب وكلام عبيط دة
وتانية لسه عيلة
أما تالتة بقا يا معلم كانت جايبة م الآخر
ولا عاوزة حب ولا كلام من دة ...
عاوزة خروجات وفسح واللي بالك منه
سكت اكتر
بقا هو دة الحال دلوقتي
وبقت هي دي الطريقة اللي بيتعرفوا بيها علي بعض ؟
وعاوزين من دة علاقة حب بصحيح؟؟
أشك
لأن اللي بيحصل دة ملوش علاقة بأي نوع من انواع الحب
اللي عاوزة تجوز تبعت مسج
واللي عاوزة حضن دافي تبعت مسج

واللي عاوزة واحدة لاارتباط جاد
ومعرفش ازاي ارتباط جاد بالشكل دة يبعت مسج
واللي واللي واللي
اكيد فيه حاجة غلط وأكيد اكتر ف حاجة مش مظبوطة
ف البنت وف الولد
علي فكرة نوع التعارف دة بقا نوع قديم اوي
وظهر دلوقتي تعارف البلوتوث

اعتقد كفاية علينا كدة وخلي موضوع البلوتوث دة ف يوم تاني
اكيد كلنا مسهمين وساكتين ومش هنعرف نرد نقول ايه ع كلام دة ؟ زي م انا عملت
بس انا حبيت اقولكم الحياة بتاعتنا بقا شكلها عامل ايه النهاردة وهتودينا علي فين بكرة
عشان محدش ييجي يلوم الحب ويقول ان هو السبب ف اللي بيحصلنا
عاوز تحب صح ..اختار مكان للحب يكون صح

متجبش واحدة من مسج بعتها ع ال TV وعاوزها تطلع بنت كويسة تقدر حبك وتصونه
وتجبيش ولد من مسج بالبلوتوث وتقنعي نفسك انه هيحترمك ويصونك ويخاف عليكي

...
عاوز تحب صح
أعقلها صح وفكر فيها صح
متستنيش عسل ابيض ينزل من برغوت
ومتتوقعش صوت حلو.. ييجي من غراب

_________________



مصر وفلسطين الاتنين بدمى
avatar
بكاء القمر
الادارة
الادارة

انثى
تاريخ التسجيل : 20/07/2008
رقم العضوية : 1
عدد الرسائل : 475
العمر : 29

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى